Асхан Смайылов Жамбыл облысының құрметті азаматы атанды.
Асхан Смайылов Алматыда бас хирург және №7, №17 ауруханаларда бас дәрігер болған, деп хабарлайды Almaty-akshamy.kz
Әлихан Смайыловтың әкесі Асхан Смайыловқа Жамбыл облысының құрметті азаматы атағын беру сегізінші шақырылған Жамбыл облыстық мәслихатының тұрақты комиссиясында қаралды. Комиссия отырысы 18 қазанда өткен.
Асхан Смайыловтан бөлек, тізімде 7 азамат болған. Депутаттар бұл ұсынысты бірауыздан қолдады.
Әкесі жайлы:
"Менің әкем Асхан Смайылов өмірін медицинаға арнап, дәрігер болып қызмет етті. Бала күнімізде бұл мамандықтың маңызы мен жауапкершілігін сезініп өстік", - деген еді үкімет басшысы.
Айта кетейік, премьер-министрдің әкесі Асхан Смайылов мамандығы бойынша - дәрігер. Алматыда бас хирург болып және №7, №17 ауруханаларда бас дәрігер болған.