23 тамызда 18 жасқа толған алматылық бойжеткен туған күнін ерекше бастады, – деп хабарлайды aqshamnews.kz тілшісі.
Кәмелет жасына толған күні ол алғаш рет сайлау учаскесіне келіп, өзінің дауыс беру құқығын пайдаланып, таңдауын жасады.
Жас сайлаушы үшін бұл күн бірден екі маңызды оқиғамен есте қалды - кәмелет жасына толуы және сайлауға алғаш рет қатысуы. Дауыс бергеннен кейін бойжеткенді жақындары жылы лебіздерімен құттықтап, ерекше күннің қуанышын бірге бөлісті.
Осылайша, 18 жасқа толған алматылық үшін жаңа өмір кезеңі алғашқы азаматтық таңдауымен басталды.