1949-1998 жылдар аралығында туған Қазақстан азаматтарына белгісіз әлеуметтік қордан 50 000 теңге аударылатыны туралы әлеуметтік желілер мен мессенджерлерде таратылып жатқан ақпарат шындыққа жанаспайды. Бұл туралы Еңбек және халықты әлеуметтік қорғау министрлігі мәлім етті, деп хабарлайды Almaty-akshamy.kz.
Министрлік бұл ақпараттың жалған екенін және мұндай әлеуметтік көмектің жоқтығын хабарлады. Қаражатты алу үшін белгісіз адамдар азаматтарға сілтемеге өтуді ұсынады, бұл алаяқтар үшін жеке деректерді алу тәсілі болуы мүмкін. Сондықтан, алаяқтармен өзара әрекеттесуді болдырмау үшін сілтемеге өтпеуге кеңес беріледі.
Мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылады. Азаматтардан тек ресми көздердегі ақпаратты пайдалануын сұраймыз.
Естеріңізге саламыз, жалған ақпарат тарату заңмен жазаланатынын ұмытпаңыздар.