ҚР Сауда және интеграция министрлігі әлеуметтік маңызы бар азық-түлік тауарларының бағасын тұрақтандыру және сауда үстемелерінің негізсіз өсуіне жол бермеу мақсатында мемлекеттік бақылауды жүзеге асыру және өңірлік комиссиялармен өзара іс-қимыл жасауда жүйелі жұмыс жүргізуде. Жыл басынан министрліктің аумақтық департаменттері 1585 әкімшілік қаулы шығарды, оның 396—сы жалпы сомасы 24 млн теңге айыппұл, 1189—ы ескерту.
Қазақстан Республикасының Әкімшілік құқық бұзушылық туралы Кодексінің 204-4-бабының талаптарын іске асыру шеңберінде (ӘМАТ-қа 15%-дан астам сауда үстемесінің мөлшерін асырғаны үшін) 1419 қаулы шығарылды, оның ішінде 18,2 млн теңге сомасына 239 айыппұл салынып, 1180 ескерту жасалды.
Картоп - әлеуметтік маңызы бар тауарлардың маңызды позициясы. Картопқа сауда үстемесін асырғаны үшін 505 қаулы шығарылды, оның 41—іне айыппұл салынды. Айыппұл сомасы 2,6 млн теңгеден асады. Ал 464-іне ескерту жасалды.
Бұдан басқа, делдалдық схемаларды тергеу жөніндегі өңірлік комиссиялардың қызметі шеңберінде ӘМАТ тауарларын жеткізу тізбектері бойынша жыл басынан бері 303 отырыс өтті. Оның қорытындысы бойынша өнімсіз делдалдардың қатысуының 1164 жағдайы және сауда үстемелерінің асып кету фактілері анықталды. Осы жұмыстың нәтижесінде 1079 әкімшілік қаулы шығарылды, ал 85 өнімсіз делдал жеткізу тізбегінен шығарылды. Министрлік сауда саласындағы заңнаманың сақталуына мемлекеттік бақылау іс-шаралар кешенін іске асыруды жалғастыра береді.