Головкин әлемдік рейтингтен шығып қалды.
Бүкіләлемдік бокс қауымдастығы соңғы жағдайларды саралап, әлемдік рейтингті жаңартты. Оған сәйкес, Генадий Головкин алдыңғы 15-тікке де кірмейді.
Негізгі себеп - қазақстандық боксшының чемпиондық белдігін қорғаудан бас тартуы.
WBA тұжырымы бойынша орта салмақтағы Генадий Головкин кубалық Эрисланди Ларамен кездесуі керек еді, бірақ жерлесіміз одан бас тартты.
Сәйкесінше, чемпиондық белдік енді жекпе-жексіз Лараға беріледі. Оның алдында бразилиялық Эскиво Фалькаомен де кездесуге келіспей, IBF тұжырымы бойынша чемпиондық белдігін босатқан болатын.
Енді жерлесіміздің қолында бір ғана атақ қалды. Яғни, ол қазір – IBO тұжырымы бойынша орта салмақтағы әлем чемпионы.