Келесі аптада Нью-Делиде (Үндістан) өтетін бокстан әйелдер арасындағы әлем чемпионатында ел намысын қорғайтын боксшы қыздарымыздың есімі белгілі болды, деп хабарлайды Аlmaty-akshamy.kz Zakon.kz-ке сілтеме жасап.
Қазақстан бокс федерациясының баспасөз қызметінің мәлімдеуінше, Қазақстан әйелдер құрамы сапында Әлем және Азия чемпионадары мен жүлдегерлері, көптеген халықаралық жарыстардың жеңімпаздары бар.
Нью-Дели рингінде қазақстандық әйелдер барлық 12 салмақ дәрежесінде өнер көрсетеді:
48 келіде Алуа Балқыбекова, 50 келіде Назым Қызайбай, 52 келіде Жазира Орақбаева, 54 келіде Жайна Шекербекова, 57 келіде Карина Ибрагимова, 60 келіде Римма Волосенко, 63 келіде Аида Әбікеева, 66 келі – Надежда Рябец, 70 келіде Мадина Нұршаева, 75 келіде Валентина Хальзова, 81 келіде Фариза Шолтай, 81 келіден жоғары салмақ дәрежесінде Ләззат Күнгейбаева.
Әлем біріншілігі 14-26 наурыз күндері өтеді.