Алексей Цой Президенттің кеңесшісі болып тағайындалды, - деп хабарлайды aqshamnews.kz тілшісі.
"Мемлекет басшысының өкімімен Алексей Владимирович Цой Қазақстан Республикасы Президентінің әлеуметтік мәселелер жөніндегі кеңесшісі лауазымына тағайындалды", - деп жазылған хабарламада.
Алексей Цой туралы не белгілі?
Алексей Цой денсаулық сақтау министрі қызметіне 2020 жылғы 25 маусымда тағайындалды, оның алдында Елжан Біртанов министр болған.
Алексей Владимирович Цой 1977 жылы 2 сәуірде Шымкент қаласында дүниеге келген.
Қазақстан мемлекеттік медицина академиясының аспирантурасын, Оңтүстік Қазақстан мемлекеттік медицина академиясын, "Дәнекер" халықаралық құқық және халықаралық бизнес институтын, РФ президенті жанындағы Ресей халық шаруашылығы және мемлекеттік қызмет академиясының корпоративтік басқару жоғары мектебін тәмамдаған.
1998-2001 жылдары "Аспан Шымкент" ЖШС бас бухгалтері, коммерциялық директоры болып қызмет еткен.
2002-2004 жылдары - Ұлттық ғылыми медицина орталығы және республикалық клиникалық ауруханада эндоскопист-дәрігер.
2004-2007 жылдары - Ұлттық ғылыми медицина орталығында эндоскопист-дәрігер, аға ғылыми қызметкер.
2007-2010 жылдары - Қазақстан президенті іс басқармасы медицина орталығының заманауи технологияларды енгізу орталығы директорының міндетін атқарушы, директоры.
2010-2011 жылдары - Қазақстан президенті іс басқармасының медицина орталығы басшысының міндетін атқарушы, басшысы.
2011-2014 жылдары - Астана қаласының №1 қалалық ауруханасының бас дәрігері.
2014-2017 жылдары - денсаулық сақтау және әлеуметтік даму вице-министрі.
2017-2019 жылдары - денсаулық сақтау вице-министрі.
2019 жылдың ақпанынан бастап Қазақстан президенті іс басқармасының медицина орталығын басқарды.
2020 жылғы 22 маусымда денсаулық сақтау бірінші вице-министрі болып тағайындалды.
2020 жылғы 25 маусымда Қазақстанның денсаулық сақтау министрі болды.