Қазақстандық теннисші Александр Бублик кәсіби мансабындағы ең ірі жетістікке қол жеткізді. Гонконгта өткен ATP 250 турнирінің финалында әлемнің алдыңғы қатарлы теннисшілерін қапы қалдырған отандасымыз чемпион атанды, - деп хабарлайды aqshamnews.kz тілшісі.
Кездесу екі сетте аяқталып, есеп 7:6, 6:3 болып Александрдың пайдасына шешілді.
Айта кетейік, Бублик тарихи рекорд орнатты: Гонконгтағы турнирде жеңіске жетіп, ол ATP ерлер арасындағы жекелей сында әлемдік рейтингтің топ-10-на енген алғашқы қазақстандық атанды.
Бұл жеңістің бағасы тек чемпиондық кубокпен ғана шектелмейді. Гонконгтағы турнирден кейін Александр Бублик рейтингтік ұпайларын едәуір еселеді.
12 қаңтарда жарияланатын жаңа ATP рейтингінде Александр Бублик өз мансабында алғаш рет әлемнің 10-ракеткасы атанады.