Актриса Дариға Бадықованың бұрынғы күйеуі, актер Дархан Мұсаев фильм түсіріп жатқанын айтты, – деп хабарлайды Aqshamnews.kz
Мұсаевтың айтуынша, фильмнің сценарийі мен саундтрегі дайын екен. Фильм "Алданған жүрек" деп аталмақ.
"Сценарий жазылып бітті. Қазір тексеріп жатыр. «Алданған жүрек» деген атауды халық өзі қойып берді. Түрлі атау ұсынды, жаныма жақыны осы болды. Киноның локациялары таңдалып, актерларға кастинг жариялаймыз. Бұл фильм отбасы құндылықтарын, дәстүрлі насихаттайды. Сөзі мен әні өміріме жақын. Жанар қарындасымызды еске түсіргіміз келді. Өмірдің өзі өкініштен тұрады. 16 жыл бойы сеніп келесің, жоспар құрасың. Бірақ ол бұзылса, кім ренжімейді, ашуланбайды", - дейді актер.
Еске салайық, бұған дейін Дариға Бадықованың бұрынғы жұбайы Дархан Мұсаев журналист Нұрсейіт Жылқышыбайға сұхбат беріп, 16 жылдық некесі, туыстарымен қарым-қатынасы және жеке өкініштері туралы айтқан.
Кейінірек Бадықованың бұрынғы күйеуі Мұсаевтың ажырасқаннан кейін 40 келі салмақ жоғалтқаны жайлы жазған едік.