Актриса Дариға Бадықованың бұрынғы жұбайы Дархан Мұсаев әлеуметтік желідегі сторисінде өз өмірін шығармашылыққа арнауға шешім қабылдағанын мәлімдеді, - деп хабарлайды Aqshamnews.kz тілшісі.
Оның айтуынша, қазір студияда жұмыс жүріп жатыр: ән жазу, фильм сценарийін қарастыру және болашақ жоспарларды нақтылау қолға алынған.
"Қазір студияда ән жазып жатырмыз, фильм сценарийін қарап, алдағы жоспарларды айқындап жатырмыз", - деп жазды ол.
Дархан Мұсаев біраз уақыт әлеуметтік желіде көрінбей кеткенін айтып, қазіргі жағдайының жақсы екенін жеткізді.
"Мені іздеп, уайымдағандар болса - шүкір, бәрі жақсы. Әкемнің: “Өмірде сүрінсең де, құлама, балам” деген сөзі маған үлкен күш берді. Содан бері өзімді қолға алып, спортпен айналыса бастадым. Үш айда 130 килограмнан 90 килограмға дейін төмендедім. Түсінгенім ешбір жеңіс еңбексіз келмейді. Құлау оңай, қайта тұру қиын!" - деді ол.
Еске салайық, бұған дейін қазақстандық актриса Дариға Бадықова актер Дархан Мұсаевпен ажырасуына қатысты алғаш рет пікір білдірген болатын. Экс-жұбайының "Уақыт көрсетеді" бағдарламасындағы сұхбатынан кейін актриса Instagram желісінде өз ойы мен сезімдерін бөліскен еді.