Алда жаймашуақ күндер күтіп тұр.
Қазгидромет синоптиктері 5-7 қазан аралығына арналған үш күндік ауа райы болжамын ұсынды, деп хабарлайды Almaty-akshamy.kz.
Таяу күндері Қазақстанның солтүстік, орталық және шығыс өңір тұрғындарын жауын-шашынсыз жылы ауа райы күтеді.
Күндізгі уақытта еліміздің солтүстігінде 15-23 градусқа дейін жылынады, оңтүстікте 20-28 жылы күн райы сақталады.
Республиканың батысында, оңтүстігінде және оңтүстік-шығысында ауа райының тұрақсыз сипаты болады.
Жаңбыр жауып, найзағай ойнайды, екпінді жел соғады.
Еліміздің солтүстігінде, орталығында және шығысында түнгі уақытта 1-3 градусқа дейін үсік жүреді.