Кей өңірлерде дауыл және екпінді жел жүреді.
Қазақстандық синоптиктер алдағы күндері ауа райы қандай болатынын болжады, деп хабарлайды Almaty-akshamy.kz.
«Республиканың басым бөлігінің ауа райына циклон және онымен байланысты фронталды бөлімдер әсер ететін болады. Кейбір жерлерде тұрақсыз ауа райы күтілуде. Осыған байланысты солтүстік-батыста, солтүстікте, орталықта және шығыста қатты жаңбыр, бұршақ жауып, найзағай ойнап, дауыл және екпінді жел болады», – делінген «Қазгидромет» РМК баспасөз қызметінің хабарламасында .
Батыста ауа температурасы түнде +12+22℃, күндіз +25+35℃, республиканың солтүстігінде, солтүстік-батысында ауа температурасы түнде +7+20℃, күндіз термометрлер +12+28℃, елдің орталығында және шығысында ауа температурасы түнде +8+20℃, күндіз +15+28℃, Қазақстанның оңтүстік және оңтүстік-шығысында түнгі температура +12+23°С, күндіз +25+32°С болады.