Бүгін Алматы нағыз көктем мерекесінің орталығына айналды.
Қалада Наурыз мейрамы ерекше сән-салтанатпен тойланып жатыр, деп хабарлайды aqshamnews.kz
Мерекелік алаңдар мегаполистің түкпір-түкпірінде пайда болды. Олардың бірі - Алатау ауданындағы Универсиадная көшесі. Мұнда көптеп киіз үйлер тігіліп, мерекелік сахна құрылды. Сондай-ақ ADD үстел теннисі орталығының алдында ұлттық спорт түрлерінен, оның ішінде қазақ күрестен балалар мен жасөспірімдер арасында жарыс өтті.
“Алатау барысы” аталған турнирге спорт мектептерінің тәрбиеленушілері, аудан балалары қатысты.
- Алатау ауданы әкімдігінің бастамасымен Наурыз мерекесіне орай ұлттық спорт түрлерінен жарыс ұйымдастырылды. Атап айтқанда, балалар арқан тартыс, қол күрес, асық ату және қазақ күрестен бақ сынап жатыр. Қазақ күрестен “Алатау барысы” турниріне 2012-2017 жылғы 120 бала 14 салмақ бойынша қатысып жатыр, - деді жарыс ұйымдастырушысы Асқарбек Ибрагимов.