"Alatau Aqparat" медиахолдингінің бас директоры Ержан Қалымбайұлы Астанада өтіп жатқан Astana Media Week медиа апталығында "Медиаэтика – сенімнің іргетасы: редакторлар манифесі" тақырыбында сөз қозғады, - деп хабарлайды aqshamnews.kz тілшісі.
"Қазір біз үлкен "лас ақпарат" дәуірінде өмір сүріп жатырмыз. Дипфейк, дезинформация, манипуляция, ақпараттық-психологиялық соғысты көріп отырмыз. Мұндай алмағайып кезеңде сенімді ақпарат табу қиын. Сондықтан дәстүрлі медианың рөлі сенімді ақпарат көзі ретінде өте маңызды. Жергілікті жердегі ақпарат құралдары - тұрғындардың көзі, үні, құлағы. Қандай жағдайда да ең алдымен дәстүрлі медиаға жүгінетіні белгілі. Олар сол өңірдегі мәселелерді күн тәртібіне шығарады, проблемаларды алғашқылардың бірі болып көтеріп келеді. Иә, олардың басым бөлігі жергілікті бюджеттен тапсырыс алатыны рас. Бірақ дәл солар әкімдіктен ресми әрі сенімді ақпаратты бірінші болып жеткізеді. Сондықтан жергілікті дәстүрлі медиа ақпараттық этиканы сақтайтын негізгі арналардың бірі деп айтуға болады", - деді "Alatau Aqparat" медиахолдингінің бас директоры.
Сондай-ақ, Жергілікті жердегі ақпарат құралдары қатысты бірқатар сынға тоқталды.
Сондай-ақ, Ержан Қалымбайұлы бұл мәселелерді шешу жолдарын ұсынды.
Ержан Қалымбайұлы әр редакцияға өз этикалық кодексін жасақтауды ұсынды.