Мұхтар Әуезов атындағы Қазақ ұлттық драма театрының ғимаратында жөндеу-жаңғырту жұмыстары жүргізілетініне қарамастан, театр өзінің 99-шы маусымын 16 қыркүйекте бастайды, деп хабарлады театрдың баспасөз қызметі.
Театрдың көрермендері өнерпаздардың қойылымдарын өзге театр ғимараттарында тамашалай алады. Мысалы, 16 қыркүйекте алғашқы қойылым – "Қозы Көрпеш – Баян сұлу" – Almaty Theatre театрында өтеді.
Еске сала кетейік, 2026 жылы Мұхтар Әуезов атындағы Қазақ ұлттық драма театрының 100 жылдық мерейтойы аталып өтеді. Осыған байланысты, мемлекет басшысы Қасым-Жомарт Тоқаев театр ғимараты толықтай қайта жаңғыртылатынын мәлімдеген болатын.
"Бұл жұмыс театрдың 100 жылдық мерейтойына орай 2026 жылы аяқталады. Алайда, театр ұжымы биік көркем өнер мен жаңа тұрпатты мәдениет жасаудағы, отансүйгіштік, ізгілік, адамгершілік пен сұлулықты дәріптеу жолындағы жұмысын тоқтатпайды," – делінген театрдың хабарламасында.
Қыркүйек айында Мұхтар Әуезов атындағы театр көрермендерге 7 қойылым ұсынбақ. Бұл қойылымдар Алматы театрында, Алматы облысының Талғар қаласының мәдениет үйінде және Есік қаласының мәдениет үйінде өтеді