ҚР Президенті жанындағы Ұлттық ғылым академиясының вице-президенті, академик Асқар Жұмаділдаев референдумның ел үшін ерекше маңызға ие екенін атап өтті, – деп хабарлайды aqshamnews.kz тілшісі.
Бұл оқиға елдің қоғамдық-саяси өміріндегі маңызды кезеңнің біріне айналды. Іс-шараға ғалымдар, академиктер, жас зерттеушілер, сондай-ақ жоғары оқу орындарының профессорлық-оқытушылық құрамы қолдау білдірді.
Оның айтуынша, Қазақстан азаматтары дауыс беруге қатысып, ұсыныс айтып, қолдау білдіріп, өте белсенді болып көзге түскен.
«Бар азаматты референдумның өтуімен құттықтаймын. Ол еліміздің дамуына елеулі ықпал етеді деп сенемін», — дейді академик.
Сонымен қатар Асқар Жұмаділдаев азаматтардың барлығына табыс пен амандық тіледі. Оның айтуынша, қоғамның маңызды мемлекеттік үдеріске белсене қатысуы елдегі сенім мен тұрақтылықты нығайтуға ықпал етеді.