Алматы қаласының Наурызбай ауданына қарасты мектеп оқушылары мен мұғалімдері Заилий Алатауының бөктерінде орналасқан Аюсай шатқалында экологиялық сенбілік өткізіп, 2,5 тонна қоқыс жинады. Бұл туралы Aqshamnews.kz сайты хабарлайды.
«Таза Қазақстан» және «Парктер шеруі – 2025» акциялары аясында ұйымдастырылған бұл шараға 500-ден астам оқушы мен ұстаз қатысты. Іс-шараны Алматы қаласы Білім басқармасы үйымдастырды.
Сенбілік барысында мектеп оқушылары 3 гектар аумақты қоқыстан тазартып, табиғатты аялаудың маңыздылығын іс жүзінде көрсетті. 8 «А» сынып оқушысы Қалдыбек Мирас пен экоұйым жетекшісі Жақыпақын Шынар Нұрдаулетқызының айтуынша, бұл акция табиғатқа тұтынушылық көзқарасқа қарсы шыққан, саналы ұрпақтың үндеуі болды.
Наурызбай ауданының білім бөлімінің басшысы Салтанат Құсайынова шатқалдың Алматы қаласының шегінде орналасқанымен, табиғи сұлулығы мен биологиялық әртүрлілігімен ерекше орын екенін атап өтті.