Air Astana ұшағы түтінге байланысты Алматы әуежайына шұғыл қонды, - деп хабарлайды aqshamnews.kz тілшісі.
17 желтоқсанда сағат 07:38-де Алматы – Астана бағыты бойынша КС-851 тұрақты жолаушылар рейсін орындау барысында Air Astana АҚ-ның пайдалануындағы Airbus A321N EI-KDG әуе кемесінде авиациялық оқиға болды.
"Қазаэронавигация" РМК Әуе қозғалысын жоспарлаудың бас орталығы мәліметінше, әуе кемесінің бортында түтін пайда болып, экипаж MAY-DAY апат сигналын жариялаған.
Жолаушылар мен экипаж мүшелері арасында зардап шеккендер жоқ.
Ұшақ сағат 07:40-та қонған. Қазір тексеріс жүріп жатыр.