2024 жылдың 27 қазанынан бастап Air Astana қысқы ұшу кестесіне көшті, деп хабарлайды авиакомпанияның баспасөз қызметі. Жаңартылған кестеде танымал жаңа бағыттар ұсынылған.
Енді Атырау мен Дубай арасындағы тікелей рейстер аптасына екі рет орындалады, ал Алматы мен Астанадан Дубайға ұшу жиілігі сәйкесінше 11 және 9 рейске дейін көбейтілді. Қазан айының соңында Астанадан Абу-Дабиге рейстер басталса, желтоқсанда Алматыдан да осы бағытқа ұшу жоспарлануда.
Сонымен қатар Сауд Арабиясына, атап айтқанда Медина және Жидда қалаларына Алматы мен Шымкенттен аптасына екі рет рейстер ашылды. Экзотикалық бағыттарды ұнататын жолаушылар үшін Астанадан Пхукетке аптасына үш рет рейстер орындалады. Бұл Алматыдан Пхукетке және Бангкокқа ұшатын рейстерді толықтырады.
