Танымал Q-pop тобы Ninety One-ның солисі Азамат Ашмақын (ACE) әке атанды, деп хабарлайды Aqshamnews.kz. Өнер иесі қуанышты жаңалығын Instagram парақшасында бөлісті.
Жұбайы Нұрила екеуі бірге жариялаған жазбада ата-ана атанғандары жазылған.
"Жаңа тарау. Ең маңызды. Біз ата-ана атандық", - деп жазды ACE әлеуметтік желідегі жазбасында.
Айта кетейік, ACE - топтағы әке атанған үшінші мүше. Бұған дейін топ мүшелері Батырхан Мәліков (ALEM) пен Дулат Мұхаметқалиев (ZAQ) та отбасылы болып, балалы болған еді. Қазір Ninety One-дағы бойдақ болып қалған жалғыз қатысушы Данияр Құлымшин (BALA) ғана.