Мәжіліс депутаты Айдос Сарым жаңа бірпалаталы Парламент – Құрылтайды қалыптастыруда пропорционалдық жүйесін қолдайтынын айтты, - деп хабарлайды Aqshamnews.kz.
Конституциялық реформа жөніндегі комиссияның бесінші отырысында бұл жүйенің нақты артықшылықтарын да атап өтті.
Ол ҚР жаңа Конституциясының жобасына сәйкес болашақ Құрылтай бірыңғай жалпыұлттық сайлау округінің аумағы бойынша пропорционалдық өкілдік жүйе бойынша құрылатынын айтты.
«Партиялық-пропорционалдық жүйеге көшу азаматтарымыздың мүмкіндігін азайтады, оларды еліміздің жоғарғы заң шығарушы органына сайлану құқығынан айырады деген пікірлер бар. Менің ойымша, бұл өте жаңсақ пікір, қате түсінік», - деді Айдос Сарым.
Ол қазіргі уақытта Бельгия, Испания, Финляндия, Швейцария, Болгария, Швеция, Норвегия, Нидерланды сияқты Еуропа елдерінде партиялық-пропорционалдық сайлау жүйесі жұмыс жасап жатқаны, сондай-ақ мұндай жүйенің Аргентина, Бразилия, Боливия, Эквадор, Израиль және Индонезияда да қолданылатыны жөнінде мәлімет берді.
«Бұл елдердің сайлаушылары, заң шығарушылары мен заңгерлері осы жүйе азаматтарының сайлау немесе сайлану құқығын қандай да бір түрде кемсітеді деп санамайды. Бұл қалыпты, салауатты халықаралық тәжірибе», - деп түсіндірді депутат.
Айдос Сарым сарапшылар атап өткен пропорционалдық жүйенің мажоритарлық жүйемен салыстырғандағы нақты артықшылықтарын санамалап берді:
– әділет факторы – партиялар сайлаушылар олар үшін қанша дауыс берсе, Парламентте сонша орын алады. Мажоритарлық депутаттар жұмыс істеп тұрған фракцияларға қосылу арқылы халықтың қалауын бұрмалай алмайды;