Адам ағзасындағы су жетіспушілік бірқатар органдар мен жүйелердің проблемаларына әкелуі мүмкін.
Ресейлік диетолог Елена Соломатина суды аз, яғни жеткіліксіз тұтыну салдары қандай екенін және күніне қандай мөлшерді сұйықтық ішу керектігін айтты, деп хабарлайды Almaty-akshamy.kz.
Маманның айтуынша, сұйықтықтың жетіспеушілігі адамның ми белсенділігіне, жалпы жағдайына және мінез-құлқына теріс әсер етеді. Сондай-ақ, бүйректе тастар пайда болуы мүмкін, асқазан-ішек, өкпе, бауыр және басқа органдармен проблемалар туындауы мүмкін, терінің, шаштың және тырнақтың жағдайы нашарлайды.
«Ағзада су жеткіліксіз болған кезде, ол оны үнемдей бастайды. Мұның нәтижесі қан қысымының жоғарылауына, артық салмақтың көбеюіне және салмақтастаудың қиындай түсуіне әкеледі», – деп толықтырды Соломатина.
Сондай-ақ ол адамға күніне кемінде екі литр су ішу керек деген аңызды жоққа шығарды. Оның айтуынша, сұйықтықты тұтыну нормасы әркім үшін әр түрлі. Оның мөлшерін қарапайым формула бойынша есептеуге болады – 1 кг салмаққа шамамен 30 мл-ден келеді.
Дәрігер суды біртіндеп ішу маңызды екенін атап өтті. Яғни, адам оны күні бойы суды ішпей, есіне түскенде бірден бір литрді ішсе, бұл ағзаға, соның ішінде зәр шығару жүйесіне қажетсіз жүктеме тудырады. Оның орнына әр 20 минут сайын екі-үш жұтым ішкен жөн.
Сонымен қатар, Соломатина судан басқа ағзадағы сұйықтықтың барлығы судың орнын толтыра бермейтінін атап өтті. Мысалы, кофе, шай және сыра ішу ағзаның сусыздануына әкеледі.