Бұл кездесулерде штаб өкілдері атом электр стансасының (АЭС) Қазақстан экономикасын дамытуға әсері туралы нақты ақпарат беріп, оның стратегиялық маңыздылығын атап өтті.
Ақпараттық науқан барысында АЭС салуды қолдау жөніндегі штаб өкілдері «ЖайықЖылуҚуат», «Батыс Су Арнасы», «Жайық Таза Қала» және жедел жәрдем стансасы сияқты жетекші кәсіпорындардың еңбек ұжымдарымен кездесті.
Кездесулерде айтылған негізгі мәселелер:
- Экономикалық даму және жұмыс орындары: АЭС құрылысынан бастап жаңа жұмыс орындары ашылып, өңірдің экономикалық дамуына серпін береді.
- Энергетикалық тәуелсіздік: АЭС еліміздің тұрақты, сенімді энергиямен қамтамасыз етілуіне және сыртқы тәуелділікті азайтуға ықпал етеді.
- Экологиялық қауіпсіздік: Заманауи технологиялар мен халықаралық стандарттар қолданылып, қоршаған ортаға зиян тигізбеу мәселесіне ерекше назар аударылады.
Кездесу барысында қызметкерлер белсенді пікір білдіріп, түрлі сұрақтар қойды. Халықтық штабтың бұл кездесулері қоғамда АЭС салуға қатысты ашық диалогты қамтамасыз етуге бағытталған.