Алматыда Халықаралық инженерлік-техникалық университетте Атом Электр Станциясы бойынша жиын өтті.
Жиынға бірқатар қоғам белсенділері, техникалық сала мамандары, оқытушы, профессор, ғалымдар, студенттер және т.б. қатысты.
Іс-шарада 6 қазанда өтетін референдум жөнінде ой-пікірлер айтылды. Сондай-ақ сала мамандары ойларын айтып, жан-жақты талқылады.
«АЭС экономикалық қауіпсіздікке 60% бағытталған. Дәлірек 3+ бойынша салынғалы жатыр. Бұл қажетіліктен туындап отырған іс. Уақыт оздырмай өз деңгейінде бір кісідей берекелі істі қолға алу керек», – деді AMANAT партиясы Бостандық аудандық филиалының төрағасы Тынышқали Төреғалиұлы.
Атом Электр Станциясы тоқ көздерін реттеуге үлкен септігін тигізетін көрінеді. Бұл туралы Әл-Фараби атындағы ҚазҰУ «Қаржы» кафедрасының доценті Ғалымжан ЕСҚАРАҰЛЫ айтып берді.
«АЭС керек жоба болып тұр. Энергия тапшылығын шешуіміз қажет. Жан-жақтағы көршілерге кіріптар болмайық. Таза экологиялық тиімді жоба бізге керек. Сондықтан бұл жобаның тиімділігін ел-халық көреді. Дамыған елдердің бәрінде жаңа технологиялық тәжірибе өндірісте қолданылады», – деді ол.