Қазақстанда АЭС салу тақырыбы қоғамда белсенді түрде талқыланып жатыр. Бұл жоба ел экономикасына, электр энергиясын өндіру мен тұтыну жүйесіне үлкен серпін береді.
Атом электр станциясын салу арқылы еліміз энергия тапшылығын шешіп, экономикалық дамуға жол аша алады. Қазіргі таңда Қазақстан АЭС салуға қажетті кадрлық және ғылыми әлеуетке ие. Энергетика саласындағы мамандар мен ғалымдар да бұл жобаның ел дамуына оң әсер ететінін айтуда.
АЭС салу елдегі тұрақты энергия көздерін дамытуға мүмкіндік береді, себебі қазіргі энергетикалық инфрақұрылымның басым бөлігі көмір мен газға тәуелді. Бұл ресурстар уақыт өте келе таусылады немесе экологиялық зиян тигізеді. Ал атом энергетикасы тұрақты, тиімді және экологиялық таза қуат көзі болып табылады. Сондай-ақ, АЭС салу электр энергиясын көрші елдерден импорттауды азайтып, Қазақстанның энергетикалық тәуелсіздігін нығайтады.
Қазақстанда уран қоры мол, сондықтан атом энергетикасын дамыту экономикалық тұрғыдан тиімді. Өзімізде өндірілетін уранды пайдаланып, АЭС арқылы таза және қауіпсіз энергия өндіру еліміздің әлеуетін арттырады. Бұл саладағы заманауи технологиялар Атом энергиясы жөніндегі халықаралық агенттіктің талаптарына сай келеді, сондықтан АЭС құрылысы мен жұмыс істеу қауіпсіздігі қатаң қадағаланатын болады.
АЭС құрылысы мыңдаған жаңа жұмыс орындарын ашып, инфрақұрылымды дамытуға серпін береді. Жаңа жолдар, мектептер, ауруханалар және тұрғын үйлер салынып, халықтың өмір сапасы жақсарады. Бұл жоба елдің ұзақ мерзімді табысты дамуының кепілі болмақ.