«Осы кезге дейін коронавирустың елімізде кездескен түрлерін емдеп келе жатқан хаттаманың саны 10-ға жетті. Дәл қазір осы №10 хаттамамен емдеп жатырмыз».
Бүгін Алматы қаласы Өңірлік коммуникациялар қызметінің алаңында өтіп жатқан «КВИ жұқтырған адамдарды емдеу және реабилитациялау мәселелері» тақырыбында онлайн-сұхбатта И. Жекенов атындағы қалалық жұқпалы аурулар ауруханасының аға дәрігері Абзал Малбасқанов осылай деді, деп хабарлайды Almaty-akshamy.kz
«Бізде негізгі бір хаттама бар, ол әбден зерттеліп, тексерілген, оң әсер берген хаттама. Бірақ енді үнді штамының өзіндік ерекшеліктерін ескере отырып, сол бұрынғы хатамаға өзгерістер енгізуіміз мүмкін», - деді спикер.