Абай облысында 13 жастағы қыз із-түссіз жоғалып кеткен, - деп хабарлайды Аqshamnews.kz тілшісі.
Полиция департаменті облыс тұрғындарынан хабар-ошарсыз кеткен кәмелетке толмаған 2012 жылы туған Аружан Саржанды іздестіруге көмек көрсетуін сұрады.
13 қазанда ол Бородулиха ауылы, Достық көшесі, 9-үй мекенжайындағы үйінен белгісіз бағытқа шығып кеткен. Әлі күнге дейін оның қайда екені белгісіз.
Белгілері: шашы ұзын, қара түсті, көзі қоңыр, өңі қараторы. Көзінің астында меңі бар. Бойы 155–160 см шамасында, арықша денелі.
Үстіндегі киімі: қара түсті күрте, ақ түсті капюшоны бар толстовка, ақ түсті кроссовка.
Полиция қызды көргендерден 102-ге хабарласуын сұрады.