Алматыда 78 тонна дизель отынын заңсыз сатқан ЖШС басшысы сотталды
Алматыда «AA Trade Company» ЖШС басшысына қатысты аса ірі көлемде мұнай өнімдерін заңсыз сақтау және сату фактісі бойынша сотқа дейінгі тергеу аяқталды, деп хабарлайды Аlmaty-akshamy.kz Қаржылық мониторинг агенттігінің баспасөз қызметіне сілтеме жасап.
Тергеу барысында ЖШС басшысы жалпы сомасы 14,6 млн теңгеге 78 тонна дизель отынын шығу заңдылығын растайтын құжаттарсыз сатып алу-сатумен айналысқаны анықталды.
Сот үкімімен айыпталушы кінәлі деп танылып, оған рақымшылық қолданыла отырып, 2 жыл мерзімге бас бостандығынан шартты түрде айыру жазасы тағайындалды.