Бұл туралы ҚР Цифрлық даму, инновациялар және аэроғарыш өнеркәсібі министрі Бағдат Мусин айтты.
Министр бұл жөнінде Facebook парақшасында жазды, деп хабарлайды Almaty-akshamy.kz ҚазАқпаратқа сілтеме жасап.
«Apple компаниясымен бірге көпшілікті алаңдатқан бір мәселені реттедік. Енді «+77» және «+76» халықаралық кодтардан түсетін қоңыраулар «Қазақстан» деп көрсетіледі. Apple өтінішімізді барынша жылдам қарастырып, бізге ықылас танытқанын атап өткім келеді. Сөйтіп, iOS 14 қолдайтын iPhone 6 және одан кейінгі құралдардағы аталған проблема шешілді», - деп жазды министр.