Танымал футболшы, Сауд Арабиясының "Аль-Наср" клубының шабуылшысы Криштиану Роналду сүйіктісі Джорджина Родригеске үйлену туралы ұсыныс жасады, - деп хабарлайды Aqshamnews.kz тілшісі.
31 жастағы модель әлеуметтік желіде ірі бриллиант орнатылған жүзігінің суретін жариялады.
"Келісемін. Бұл өмірімде де, басқа барлық өмірімде де", - деп жазды Джорджина суретте.
Instagram/@georginoagio
40 жастағы Роналду мен испаниялық модель тоғыз жылдан бері бірге. Ерлі-зайыпты бес баланы тәрбиелеп отыр, олардың екеуі - ортақ бала.
Футболшы той туралы әзірге ресми пікір білдірген жоқ.
Криштиану Роналду 2023 жылғы қаңтардан бері Сауд Арабиясының "Аль-Наср" кәсіби футбол клубында ойнап келеді. Бұған дейін ол "Манчестер Юнайтед", "Реал Мадрид" және "Ювентус" сапында өнер көрсетті. Спортшы 2008, 2013, 2014, 2016 және 2017 жылдары "Алтын доп" жүлдесін бес рет иеленген.