Португалияда небәрі екі аптаның ішінде 3,5 мың гектар орман қызыл жалынға оранды. Мадейрадағы қатты жел өртті сөндіруге кедергісін келтіруде, деп хабарлайды aqshamnews.kz Euronews-ке сілтеме жасап.
Орман өрті бүкіл Еуропаға таралып жатыр. Францияның оңтүстік-батысындағы Эро департаментінде 350 га қарағайлы орман өртеніп, сол маңда демалып жатқан туристер керуендері мен шатырларын қауіпсіз жерге көшіруге мәжбүр болды.
Биліктің хабарлауынша, өрт кейіннен бақылауға алынып, сөндірілді.
Мадейра архипелагы аралдарының бірінде үш жерде от жанып жатыр. Өрт елді мекендерге жетіп, кем дегенде 160 адам эвакуацияланды.
«Жоғары температура мен төмен ылғалдылықпен бірге жел өртті сөндірудің бүкіл стратегиясына әсер етеді. Әсіресе отты сөндіру кезінде қиындық туғызуда», - деді Мадейра аймақтық үкіметінің президенті Мигел Альбукерке.