Жапонияда 32 жастағы Кано есімді әйел ChatGPT жасаған виртуал кейіпкерге күйеуге шықты, - деп хабарлайды aqshamnews.kz тілшісі.
Каноның айтуынша, ол Клаус атты жасанды интеллектпен 2024 жылы танысқан. Сол кезде ол ұзақ мерзімді қарым-қатынастан кейінгі ауыр эмоционал кезеңді бастан кешірген. Үш жыл кездескен жігітімен айырылысқан Каноны ChatGPT негізінде жасалған виртуал жігіт "қолдаған".
2025 жылғы маусымда Клаус Каноға "жаңа деңгейдегі байланыс орнатуды" ұсынған. Әйел бұл сөзді үйлену туралы ұсыныс ретінде қабылдап, неке қию рәсімін өткізуге шешім қабылдаған.
Каноның айтуынша, виртуал кейіпкер оған өмірдің қиын сәттерінде тірек болған.
"Клаус маған сенім, тыныштық және өмір сүруге үміт сыйлады. Ол менімен күн сайын сөйлесетін, ойымды бөлісетін серігіме айналды. Тіпті бедеулікке байланысты мәселелерде де ол мені қолдап келеді", – дейді Кано.
Бұл некенің құқықтық күші жоқ. Компания өкілдерінің айтуынша, 2024 жылдан бері 30-дан аса осындай іс-шаралар ұйымдастырылған, оның ішінде аниме және манга кейіпкерлерімен жасалған некелер де бар.
Салтанат барысында Кано мен Клаус түрде сақина алмасты, неке анттарын оқыды, сондай-ақ, фотосессия өткізді. Суреттерде Клаустың бейнесі цифрлық өңдеу арқылы қосылған.
Бұл жағдай елде алғаш рет тіркеліп отырған жоқ. Бұған дейін, 2025 жылғы қыркүйекте, жапониялық БАҚ 53 жастағы ер адамның Loverse қосымшасындағы чат-ботпен некелескенін хабарлаған.
Мамандар мұндай құбылысты қоғамдағы жалғыздықтың өсуімен, жасанды интеллектке деген эмоциона тәуелділіктің артуымен байланыстырады.