Өткен айда 1 мыңнан астам мопед айып тұрағына қойылды, деп хабарлайды aqshamnews.kz
ІІМ-нің мәліметінше, 19-ы мен 21-ші шілде аралығында мопедті басқару тәртібіне қатысты жедел профилактикалық іс шара өткен. Оның аясында мопед жүргізушілері арасынан 3 мыңнан астам құқық бұзу дерегі анықталды.
Еске салайық, биыл ел аумағында 5 сәуірге дейін мопедтерді ресми тіркеу міндеті қойылды. Бүгінде тиісті заңға сәйкес тіркелген мопедтер саны 48 139-ға жеткен.
Айта кету керек, мопедтерді тіркеу үшін тұрғылықты жері бойынша мамандандырылған халыққа қызмет көрсету орталығына барып, жеке басын куәландыратын құжат пен мопедтің техникалық құжатын ұсыну керек.