Осы күнге орай құтқарушылар кезекті рейдке шығады.
Елімізде «Балаларды суда қорғаңыздар» республикалық акциясы басталды, деп хабарлайды Almaty-akshamy.kz Төтенше жағдайлар министрлігіне сілтеме жасап.
Шомылу маусымы басталғаннан бері еліміздің су айдындарында қауіпсіздік шаралары күшейтілді. Қазақстан құтқарушылары 160 адамды, оның ішінде 44 баланы құтқарды.
БҰҰ сарапшыларының ақпаратына сәйкес, жыл сайын әлемде 236 600 адам суға батып қайтыс болады. 1-24 жас аралығындағы балалар мен жастардың өлімінің он себебінің бірі де осы. Суға бату салдарынан болатын өлімнің 90%-дан астамы өзендер мен көлдерде болады. Көбінесе ауылдық жерлердегі балалар мен жасөспірімдер суға батып қайтыс болады.