Синоптиктер 6 өңірде ескерту жасады
«Қазгидромет» елдің алты өңірінде қатты жел соғып, төтенше өрт қаупі күтілетінін мәлімдеді, деп хабарлайды Almaty-akshamy.kz.
23 тамызда түнде және таңертең Солтүстік Қазақстан облысының батысында, солтүстігінде тұман түседі. Петропавл қаласында 23 тамызда түнде және таңертең тұман күтіледі.
23 тамызда Түркістан облысының солтүстігінде, таулы аудандарында солтүстік-шығыстан жел соғады, күші 15-20, екпіні 23 м/с-қа жетпек. Облыстың оңтүстігінде, шығысында төтенше өрт қауіпі сақталады.
Күндіз 23 тамызда Батыс Қазақстан облысының оңтүстік-батысында шығыстан, солтүстік-шығыстан жел соғады, екпіні – 15-20 м/с.
Жетісу облысының солтүстік-шығысында солтүстік-шығыстан жел соғады, күші –15-20, екпіні –25 м/с.
Қызылорда облысының орталығында жел солтүстіктен, солтүстік-шығыстан соғады, күндіз күші 15-20 м/с-қа дейін жетеді. Облыстың басым бөлігінде және Қызылорда қаласында төтенше өрт қаупі сақталады.
23 тамызда күндіз Ақтөбе облысының орталығында, шығысында солтүстік-шығыстан, солтүстіктен жел соғады, екпіні 15 м/с-қа дейін жетеді.