Бұл қаражат 120 миллионнан аса адамды азық-түлікпен қамтамасыз етуге мүмкіндік бермек.
БҰҰ өкілдері осылай дейді. Бүгінде 74 мемлекетте 343 миллион адам тойып тамақ ішпейді, деп хабарлайды aqshamnews.kz 24.kz-ке сілтеме жасап.
Бұл былтырғы көрсеткіштен 10%-ке көп. Соның 2 миллионына аштық қаупі төнген. Дені – Газа секторы, Судан, Гаити, Йемен, Сирия мен Мали тұрғындары.
Біріккен Ұлттар Ұйымы өкілдерінің хабарлауынша, әскери қақтығыстар мен экономикалық дағдарыс кесірінен гуманитарлық көмекке деген қажеттілік арта бастаған. Осыған байланысты мамандар халықаралық қауымдастықты шұғыл шаралар қабылдауға және гуманитарлық бағдарламаларды қаржыландыруды ұлғайтуға шақырып отыр.