Үш өңірде қар аралас жаңбыр жауып, көктайғақ болатыны ескертілді.
"Қазгидромет" РМК мамандары сәрсенбіге арналған ауа райының жалпы болжамын ұсынды, деп хабарлайды aqshamnews.kz
Болжамға сәйкес, Қазақстанда қолайсыз ауа райы мінез танытады.
"Атмосфералық фронтальды бөліктердің жылжуына байланысты Қазақстан аумағының басым бөлігінде жауын-шашын (жаңбыр мен қар) болады. Оңтүстікте, оңтүстік-шығыста, еліміздің орталығында қатты жауын-шашын (жаңбыр, қар) болады деп күтіледі. Республика бойынша тұман, көктайғақ, желдің екпін алуы сынды табиғи ортақ құбылыс көрініс табады деп күтіледі", делінген "Қазгидромет" РМК ақпаратында.
Сондай-ақ, таяу тәулікте республикамыздың шығыс және батыс облыстарының су объектілерінде мұз түзілу процесі жүріп, республикамыздың оңтүстік және оңтүстік-шығыс өзендерінде су деңгейінің көтерілуі байқалатын болады.