2 млн Қазақстан азаматының жеке дерегі желіде тарап кетті.
Zaimer.kz микроқаржы ұйымы хакерлік шабуылға ұшыраған. Салдарынан, тұтынушылардың ақпараты телеграмдағы ашық топта жария болған, деп хабарлайды Almaty-akshamy.kz.
Онда адамдардың аты-жөні, телефон нөмірі мен электрондық поштасы, жеке куәлік деректері, тіпті жұмысы туралы ақпарат пен банк шоттары туралы мәліметтері бар. Цифрлық даму министрлігі осы жайтқа байланысты егов мобайл арқылы азаматтарға ескерту жіберген. Хабарландыру алған тұрғындарға ақпараттық қауіпсіздік комитетіне шағымдануға кеңес берілді.