Еліміздің басым бөлігінде жаңбыр, найзағай, бұршақ пен екпінді жел сақталуда. Бүгін Павлодар, Қарағанды, Алматы, Батыс Қазақстан, Шығыс Қазақстан, Жамбыл облыстарында, сондай-ақ Абай және Жетісу өңірлерінде қатты жаңбыр мен бұршақ жауады.
«Қазгидромет» мәліметінше, бүгін еліміздің барлық өңірлерінде дауылды ескерту жарияланды. Негізгі себептері — қатты жаңбыр, найзағай, бұршақ, тұман, дауыл, сондай-ақ өрт қаупінің жоғары болуы.
Мегополистердегі ауа туралы мәлімет:
▪️ Астанада күндіз +19–21 °C, түнде +10–12 °C, жауын-шашынсыз. Желдің жылдамдығы — 5–10 м/с.
▪️ Алматыда күндіз +20–22 °C, кей жерлерде жаңбыр, найзағай, бұршақ. Түнде +10–12 °C, жауын-шашынсыз. Желдің жылдамдығы — 3–8 м/с, найзағай кезінде екпіні 15–20 м/с дейін жетеді.
▪️ Шымкентте күндіз +27–29 °C, түнде +13–15 °C, жауын-шашынсыз. Желдің жылдамдығы — 8–13 м/с.