ҚР Ішкі істер министрлігі Криминалдық полиция департаменті Алматыда Қырғызстан азаматын қолға түсірді, - деп хабарлайды Aqshamnews.kz Polisia.kz-ке сілтеме жасап.
Ол 17 жыл бұрын Бішкекте адам өлтірді деген күдікке ілінген.
Қырғызстан ІІМ мәліметінше, күдікті атышулы Камчыбек Көлбаевтің ұйымдасқан қылмыстық тобының мүшесі болған.
Қыркүйек айында ғана Қазақстанда іздеуде жүрген 81 адам ұсталып, 58 хабар-ошарсыз кеткен адамның орналасқан жері анықталған. Бұған қоса, ТМД және алыс шетелдер үшін 28 қылмыскер қолға түсті.
Астана қаласында да ірі операция өтті: Молдова ІІМ сұрауы бойынша 12 жылдан бері іздеуде жүрген Ресей азаматы ұсталды. Ол өз елінің азаматын 150 мың АҚШ долларын бопсалады деген айыпқа іліккен.