Соңғы 7 жылдың ішінде «14-ші аумақ» шағын ауданындағы аяқталмаған инженерлік желілердің мәселесі өзекті түйткілдің бірі болды. Бұл туралы әкім Ерболат Досаев тұрғындармен кездесуде айтты, деп хабарлайды Almaty-akshamy.kz.
«Алматы қаласы прокуратурасының ұсынысы негізінде мен ТЖ желісі бойынша құрылыс жұмыстарын аяқтау туралы шешім қабылдадым. Ол үшін бюджеттен 2,7 млрд. теңге бөлінді. Маусым айынан бастап 14 көше бойынша инженерлік желілерді төсеу жұмыстары жүргізілуде. Ал 3 көшеде (Сусанин, Душанбинская, Нарвская) жаңа жолдар салынуда», - деді ол.
Қалған 11 көше бойынша желілерді салу жұмыстарының аяқталуына қарай жол төсемі толық қалпына келтірілетін болады. Барлық жұмыс биыл қазан айының соңына дейін аяқтау жоспарланған.