Алматы қаласының жергілікті атқарушы органы есебінен резидентураға түскен грант иегерлерінің тізімі жарияланды
Қазақстан Республикасы Денсаулық сақтау министрлігінің «Өңірлерде медициналық кадрлар тапшылығын азайту бойынша қабылданып жатқан шаралар туралы» және Алматы қаласында медициналық кадрлардың тапшылығын азайту бойынша қабылданып жатқан шаралардың шеңберінде 2021 жылдан бастап Алматы қаласының әкімдігі дәрігерлерді, сұранысы жоғары клиникалық мамандықтар бойынша, резидентурада оқытуға жыл сайын қаржы бөліп отыр.
2024 жылы Алматы қаласы әкімдігінің грантының иегерлері атанған 110 жас маман резидентураны аяқтап медициналық ұйымдарға жұмысқа орналасты. Қазіргі таңда, алдыңғы жылдары оқуға түскен 194 маман резидентурада білім алуын жалғастыруда.
2024 жылы қаламызда, өте тапшы медициналық мамандықтар бойынша, ұзақтығы 2-3 жыл болатын резидентурада 120 орын бөлініп, жергілікті бюджеттен қаржыландыру көзделген. Ең көп гранттар «Эндокринология», «Офтальмология», «Физическая медицина и реабилитация» (11 гранттан), «Кардиология» (10 грант), «Гастроэнтерология» (8 грант) салалары бойынша бөлінген. Алматы қаласы әкімдігі жанындығы Конкурстық комиссия шешімімен, 2024 жылға дипломнан кейінгі оқытуға бекітілген қаражат шеңберінде, барлығы 120 резидентура бойынша білім гранты қалыптастырылды.
Ағымдағы жылдың 27 тамызында Алматы қаласы бойынша резиденттерді оқытуға мемлекеттік білім беру тапсырысын қалыптастыру, бөлу және орналастыру жөніндегі Конкурстық комиссияның отырысы өтті. Конкурс комиссиясының құрамы әкімнің өкімімен бекітіледі және жергілікті атқарушы органның қызметкерлерінен, азаматтық қоғам өкілдерінен тұрады. Комиссия төрағасы Алматы қаласы әкімінің орынбасары Нусупова Ә.Б.
Алматы қаласы әкімдігінің білім грантын тағайындау конкурсына қатысу үшін, медициналық Жоғарғы оқу орындары, түсу емтиханында ең жоғары балл жинаған талапкерлердің тізімін ұсынады. Биылғы жылы байқауға 175 үміткер қатысты. Байқау комиссиясының шешімімен 120 үміткер Алматы қаласы әкімдігінің грантының иегері атанды.
Білім беру грантының иегері, диплом алған соң, Алматы қаласының медициналық ұйымдарында тиісті мамандық бойынша 5 жыл жұмыс істеу міндеттемесін алып, «Алматы қ. Қоғамдық денсаулық сақтау басқармасы-Студент-Университет» арасында үш жақты Келісімшарт жасалады.
Алматы қаласы әкімдігінің жанындағы Конкурстық комиссия отырысының шешімімен қабылданған 2024 жылғы резидентура грант иегерлерінің тізімін сілтеме бойынша қарауға болады
https://www.gov.kz/memleket/entities/almaty-densaulyk/documents/details/712721?lang=kk