Таиландтық Thai Air Asia X әуекомпаниясы Қазақстанға ұша бастайды, деп хабарлайды aqshamnews.kz Көлік министрлігіне сілтеме жасап.
"2025 жылғы 1 желтоқсаннан бастап Таиланд корольдігінің Thai Air Asia X лоукестері Қазақстан нарығына шығады. Тасымалдаушы Бангкок – Алматы бағыты бойынша аптасына 4 рет дүйсенбі, сәрсенбі, бейсенбі және жексенбі күндері тікелей тұрақты әуе рейстерін орындайды", - делінген хабарламада.
Қазақстан мен Таиланд арасындағы тікелей әуе қатынасының ашылуы екі ел арасындағы сауда-экономикалық, іскерлік, инвестициялық, туристік және мәдени байланыстарды нығайтуға ықпал етеді деп күтіліп отыр.