"Қазгидромет" синоптиктері 13, 14 және 15 қаңтарға арналған ауа райы болжамын ұсынды, - деп хабарлайды Tengrinews.kz тілшісі.
Қазақстанға суық антициклон жақындап келеді
Синоптиктер мәліметінше, Қазақстан аумағына суық антициклон жылжып келед.
Болжамға сәйкес, антициклон республика аумағы арқылы жылдам өтеді. Ең алдымен солтүстік өңірлерге әсер етеді, кейін шығысқа және Қазақстанның басқа бөліктеріне таралады.
14 қаңтарда солтүстікте, ал 15 қаңтарда Қазақстанның шығыс бөлігінде түнгі уақытта ауа температурасы –30…–38°C дейін төмендейді.
Аязды ауа райы тұрақты болғанымен, антициклонның тез жылжуы желдің күшеюіне әкеледі. Елдің солтүстік жартысында кейбір аудандарда жел екпіні секундына 28 метрге дейін жетеді.
