Астанада құрылыс нысандарының бірінде 41 жастағы жұмысшы биіктіктен құлап, оқиға орнында көз жұмды, - деп хабарлайды AqshamNews.kz тілшісі.
Астана қалалық Полиция департаментінің баспасөз қызметі мәліметінше, оқиға 14 желтоқсанда болған. Құрылыс объектісінде қасбет жұмыстарын жүргізу кезінде аспалы көтергіштің тросы үзіліп, ішінде болған 41 жастағы ер адам сыртқа құлаған.
«Көтергіштің ішінде болған 41 жастағы азамат құлап, алған жарақаттарының салдарынан оқиға орнында қайтыс болды. Қазір болған жағдайдың барлық мән-жайын анықтау мақсатында тергеу жүргізіліп жатыр», – деді полиция өкілдері.
Еске салайық, бұған дейін Петропавлда инженерлік жұмыстар кезінде де жұмысшы қаза тапқаны хабарланған.