Memleket basshysy Jetísu oblysynyń ákímí Beıbít Isabaevty qabyldady, – dep habarlaıdy aqshamnews.kz tílshísí.
Qasym-Jomart Toqaevqa óńírdíń áleumettík-ekonomıkalyq damuy men aldaǵy josparlary turaly bayandaldy.
Beıbít Isabaev:
2025 jyldyń qorytyndysy boıynsha barlyq negízgí maqsatty ındıkatorǵa qol jetkízílgenín aıtty.
Óńírge 610 mıllıard teńge ınvestıtsıya tartylǵan, būl aldyńǵy jylmen salystyrǵanda 12,8 paıyzǵa artyq.
Agroónerkásíp keshenín damytu josparyn tanystyrdy.
Auyl sharuashylyǵy daqyldary, sonyń íshínde qant qyzylshasy alqaby keńeıdí. Aqsu jáne Kóksu qant zauyttarynyń óndírístík quatyn 2 esege arttyryp, 950 myń tonnaǵa jetkízu jūmystary júrgízílíp jatyr.
2027 jylǵa deıín qūny 94,4 mıllıard teńge bolatyn 23 ınvestıtsıyalyq jobany íske asyru josparlanǵan. Atap aıtqanda, qūs fabrıkalary, mal bordaqylau alańdary, balyq jáne jylyjaı sharuashylyqtary men basqa da jobalar bar.
Ónerkásíp salasynda sońǵy úsh jylda 29 jańa nysan íske qosylyp, 7 kásíporyn keńeıtíldí, sonyń nátıjesínde 1841 jūmys orny ashyldy.
Infraqūrylymdy damytu jaıynda málímet berdí.
Óńírdí gazdandyru deńgeıí 67,2 paıyzǵa jettí. «Taldyqorǵan – Úsharal» magıstraldí gaz qūbyry tartylyp, 650 myńnan astam tūrǵyny bar 210 eldí meken kógíldír otynǵa qol jetkízdí.
Oblystyń turızm salasyndaǵy múmkíndíkterín keńeıtu baǵytynda jūmystar jalǵasuda.
Alakól, Balqash jaǵalaularynda turıstík nysandarǵa baratyn joldar salynyp, auyz su, elektr jelísí, káríz júıelerí tartyldy. Jaǵalaulardy bekítu sharalary qolǵa alyndy.
Būrqanbūlaq sarqyramasyna aparatyn 31 shaqyrymdyq jol jańartylyp jatyr.
«Taza Qazaqstan» ekologıyalyq baǵdarlamasy ayasynda óńírde úsh ekopark salyp, 121 myń aǵash egu kózdelgen.
Memleket basshysy:
Qytaı Halyq Respublıkasymen shekaralas «Dostyq» beketíndegí jáne «Qorǵas» arnaıy ekonomıkalyq aımaǵyndaǵy jūmystardy tıímdí ūıymdastyru, sondaı-aq Alakól, Balqash kólderí jaǵalauyndaǵy demalys oryndaryn, tau turızmín qarqyndy túrde damytu jónínde bírqatar tapsyrma berdí.