A.P. Chehov atyndaǵy Ortalyq qalalyq kítaphanasynda Almaty Kítaphanalary men «ByArT» kórkemdík studıyasynyń ūıymdastyruymen «Gúldengen megapolıs» atty qalalyq kórme óttí, – dep habarlaıdy aqshamnews.kz tílshísí.
Saltanatty ís-sharaǵa belgílí aqyn Ūlyqbek Esdáulet, sondaı-aq, Europadan arnaıy kelgen Igor Otchenash, Shtepan Frank jáne Sofıya Magarılldíń nemeresí Arıel Borshchevskıı men onyń otbasy múshelerí – Anastasıya Barshchevskaya men Gusha Djordjı jáne baıqau jeńímpazdary qatysty.
Atalǵan baıqau sáuír aıynda jarıyalanyp, jūmystardy qabyldau 23 sáuírde ayaqtalǵan bolatyn. Shyǵarmashylyq dodaǵa qalanyń 21 mektebínen 109 jūmys kelíp túsken. Jūmystardyń íshínen qalamyzdyń sūlulyǵy men kóríktí jerlerín sheber beınelegen 70 tuyndy íríktelíp, kórmege qoıyldy.
Ís-shara barysynda 70-ke juyq mektep oqushylary arnaıy dıplomdarmen marapattalyp, kítaptar tabystaldy.
«Men būl baıqauǵa «Qalamnyń teatryndaǵy balerına» atty suretímdí ūsyndym. Maǵan Almatynyń záulím ǵımarattary men ondaǵy óner adamdary óte ūnaıdy, sondyqtan osy taqyrypty tańdadym. «Gúldengen megapolıs» baıqauyna qatysqanyma óte quanyshtymyn. Óz jūmysymdy mūndaı úlken kórmeden kóru men úshín erekshe maqtanysh boldy», – dedí baıqau jeńímpazdarynyń bírí, №35 gımnazıyanyń oqushysy Adel Rabatova.
«Senderdíń suretteríńnen tuǵan qalalaryńa degen sheksíz mahabbat kóríníp tūr. Men Almatyǵa bírínshí ret keldím. Maǵan mūndaǵy dástúr men zamanauı naqyshtyń úılesímí qatty ūnady. Būl típtí 22-ǵasyrdyń qalasy sıyaqty. Mūnda ózímdí úıdegídeı sezíndím», - dedí júldelerdí tabystaǵan Igor Otchenash.
Būl ís-shara balalardyń shyǵarmashylyq áleuetín ashuǵa, óskeleń ūrpaqtyń boıynda mádenı qūndylyqtardy qalyptastyruǵa jáne ónerdí dárípteuge baǵyttalǵan mańyzdy bastamalardyń bírí boldy.