Frantsıya astanasy Parıj qalasyna jayau jetken 76 jastaǵy Sársenbaı Qotyrash «Qūrmettí sport qyzmetkerí» ataǵyn aldy, – dep habarlaıdy aqshamnews.kz tílshísí.
Būl turaly turızm jáne sport mınıstrlígí málímdedí.
«Turızm jáne sport mınıstríníń orynbasary Serík Jarasbaev kórnektí jıhankez, turızm salasynyń úzdígí Sársenbaı Qotyrashovqa «Qūrmettí sport qyzmetkerí» ataǵyn tabystady», dep habarlady mınıstrlík.
Aıta keteıík, UlytauMan laqap atymen tanymal Sársenbaı Qotyrash Serbıya, Majarstan, Austrıya, Germanıya jáne Frantsıya elderín jayau júríp ótíp, juyrda ǵana elge oraldy. Sapar 3 nauryzda bastalǵan.
Jıhankez 2022 jyly 72 jasynda Qazaqstannyń 17 oblysyn jayau aralap, 8 myń shaqyrym joldy júríp ótken. Osy jetístígí úshín otandyq KInES rekordtar kítabyna endí.
2023 jyly Atyraudan jolǵa shyǵyp, Kavkaz óńírí men Gruzıya arqyly Túrkıyanyń Stambul qalasyna jettí.
Al 2024 jyly Óskemennen bastap Altaı, Mońǵolıya arqyly Qytaı astanasy Beıjíńge deıín barǵan.