Atalǵan shara tsıfrlandyru men jastar bastamalary
salasyndaǵy jarqyn oqıǵaǵa aınaldy, – dep habarlaıdy aqshamnews.kz tílshísí.
Petropavl qalasynda jasandy ıntellekt tehnologıyalary negízínde
tsıfrlyq sheshímderdí ázírleuge arnalǵan respublıkalyq CYBERSHIELD
HACKATHON 2026 óttí.
Ís-shara
Qazaqstan Respublıkasynyń Qarjylyq monıtorıng
agenttígíníń bastamasymen «Zań men tártíp» narratıvín júzege asyru ayasynda,
M. Kozybaev atyndaǵy Soltústík Qazaqstan unıversıtetíníń alańynda
ūıymdastyryldy.
Hakaton jastar arasynda keń qyzyǵushylyq tudyrdy:elímízdíń 8
óńírínen ótínímder túsíp, 15 joǵarǵy ornynan shamamen 170 student qatysty.
Qarqyndy jūmys barysynda komandalar agroanalıtıka jáne tsıfrlyq
qauípsízdík salalarynda sheshímder ázírledí. Ūsynylǵan jobalar joǵary
deńgeıde daıyndalǵanymen, kreatıvtílígímen jáne eń bastysy praktıkalyq
baǵyttylyǵymen erekshelendí.
Hakatonnyń sharyqtau shegí jobalardy qorǵau kezeńí boldy. Būl
kezeńde ıdeyalar arasynda tartysty árí qyzyqty báseke oryn aldy.
Jeńímpazdardy ańyqtau onaıǵa soqpady, sebebí ár komanda naqty ómírde
qoldanuǵa bolatyn myqty árí ómírsheń ıdeyalar ūsyndy.
Qatysushylar ózderíníń kásíbı bólímderín ǵana emes, sonymen qatar
komandada jūmys ísteu, jedel sheshím qabyldau jáne strategıyalyq oılau
qabíletterín kórsettí.
Agroanalıtıka baǵyty boıynsha júldelí oryndar Astana men Almaty
komandalar arasynda bólíndí: úshínshí jáne ekínshí Astana IT University jáne
L. N. Gumılev atyndaǵy Eurazıyalyq ūlttyq unıversıtet komandalary
ıelendí, al bírínshí oryndy Almaty qalasyndaǵy Qazaqstan-Brıtanıya
unıversıtetí aldy.
AI jáne krıptoqauípterge qarsy baǵytta jeńímpazdar geografıyasy
keńírek boldy – Astana jáne Qostanaı komandalary úshínshí jáne ekínshí
oryndardy bólístí, al jeńístí Soltústík Qazaqstan unıversıtetí jeńíp aldy,
ol sondaı-aq eń kreatıvtí sheshím úshín marapattaldy.
Bírqatar jobalar ınnovatsıyalylyǵy tereń taldanuy jáne engízu
áleuetíníń joǵary boluyna baılanysty erekshe atap ótíldí. Keıbír sheshímder
qazírdíń ózínde árí qaraı damytu jáne tájírıbede qoldanu úshín negíz retínde
qarastyryluda.
Hakatondy ótkízu óńírdíń tsıfrlyq ekojúıesín damytudaǵy mańyzdy
qadam boldy. Ís-shara elímízdíń túkpír-túkpírínen kelgen talantty jastardy
bíríktíríp qana qoımaı, ashyqtyqty, tıímdílíktí jáne qauípsízdíktí arttyruǵa
baǵyttalǵan ıdeyalardy qalyptastyru alańyna aınaldy.
Ūıymdastyrushylardyń aıtuynsha, mūndaı bastamalar tsıfrlandyru
salasyndaǵy memlekettík sayasatty júzege asyruda jáne ekonomıka men qoǵamnyń ózektí máselelerín sheshuge qabílettí jańa buyn mamandardy qalyptastyruda mańyzdy ról atqarady.