Jerebe tartuǵa Qūryltaı saılauyna qatysatyn jetí sayası partıyanyń ókílderí qatysty, dep habarlaıdy aqshamnews.kz tílshísí.
Jetínshí arnanyń tíkeleı efırínde 5 tamyz kúní Astanadaǵy «Qazmedıa ortalyǵy» kontsert zalynda ótetín saılaualdy televızıyalyq debattarǵa qatysatyn sayası partıyalar ókílderíníń sóz sóıleu kezegín anyqtaıtyn ashyq jerebe tartu rásímí óttí.
Jerebe tartuǵa Qūryltaı saılauyna qatysatyn jetí sayası partıyanyń ókílderí qatysty. Rásím ashyq formatta ūıymdastyrylyp, barlyq qatysushylar úshín teń múmkíndík pen úderístíń ashyqtyǵyn qamtamasyz ettí.
Jerebe tartu rásímín ótkízu úshín íshínde rettík nómírler jazylǵan kartochkalar salynǵan arnaıy ydys paıdalanyldy. Júrgízushí partıyalardy kezekpen atap, ár partıyanyń ókílí nómír jazylǵan kartochkany ózí tańdady. Jerebe nátıjelerí elektrondyq júıede tírkelíp, ekranda naqty uaqyt rejımínde kórsetílíp otyrdy.
Jerebe tartu qorytyndysy boıynsha televızıyalyq debat barysynda sayası partıyalar ókílderíníń sóz sóıleu retí belgílendí:
1. Respublica partıyasy – Meıramgúl Mádálí;
2. «Aq jol» partıyasy – Dulat Tastekeı;
3. Jalpyūlttyq sotsıal-demokratıyalyq partıyasy – Maksūt Nasıbulov;
4. «Ádílet» partıyasy – Rauan Kenjehanūly;
5. «Baıtaq» partıyasy – Aslan Baızahanov;
6. «Auyl» partıyasy – Shahmardan Baımanov;
7. Qazaqstannyń Halyq partıyasy – Beıbít Qūsaıynov;
Esteríńízge sala keteıík, televızıyalyq debattar 5 tamyz kúní saǵat 20:26-da Jetínshí arnanyń tíkeleı efırínde ótedí. Debattardyń negízgí taqyryby – bílím beru júıesín damytu. Joba ınteraktıvtí formatta ótedí jáne tórt kezeńnen tūrady: partıyalardyń saılaualdy baǵdarlamalaryn tanystyru, bílím beru salasyndaǵy bastamalardy talqylau, studıya kórermenderíníń sūraqtaryna jauap beru jáne saılaushylarǵa qorytyndy úndeu jasau.
Jobanyń basty erekshelíkteríníń bírí – kórermenderdíń belsendí qatysuy. Tíkeleı efır barysynda QR-kod arqyly onlaın dauys beru ūıymdastyrylyp, onyń aralyq nátıjesí ekínshí kezeńde jáne qorytyndysy sońynda jarıyalanady. Sonymen qatar kórermender arnanyń resmı Instagram paraqshasynda píkír qaldyra alady, olardyń bír bólígí tíkeleı efır barysynda ekranda naqty uaqyt rejımínde kórsetíledí.
Teledebattyń tíkeleı translyatsıyasyn Jetínshí arnanyń efırínen, sondaı-aq arnanyń resmı saıty men áleumettík jelílerdegí resmı paraqshalarynan kóruge bolady.